På skatteverket.se använder vi kakor (cookies) för att webbplatsen ska fungera på ett bra sätt för dig. Genom att surfa vidare godkänner du att vi använder kakor. Vad är kakor?

Logotyp, till startsidan

וואָס מיר טאָן

די שוועדישע שטייער אגענטור (Skatteverket) איז
א טייל פון טאג טעגלעכן לעבן פאר מענטשן און ביזנעס אייגנטימער. מיר ווילן דערגיין
און נאכפאלגן די געזעצן צו זיין לייכט און דערווארטעט, איר זאלט קענען זיין ביי
זיך זיכער אז איר און אנדערע טוען די ריכטיגע זאך.

גלייכע געלעגנהייטן אויף גלייכע טערמינען

יעדער מענטש אדער ביזנעס אייגנטימער זאלן האבן אייניגע געלעגנהייטן ווען זיי פארבינדן זיך מיט אונז, אפגעזען פון גענדער, עלטער, גענדער איידענטיטי, פרעפערענס אדער אויסדריק, עטניסיטי, רעליגיע אדער דיסאביליטי.

א באזיס אין שוועדישע געזעלשאפט איז אז אלע וועלכע ארבעטן צאלן שטייער. אייער שטייער קען זיך ענדערן, עס ווענדט זיך אין אייער אינקאם און אייער מוניציפאליטי. שטייערן ווערן באנוצט פאר מעדיקל קעיר, שאסייען, עלטער-קעיר און נאך.

די שטייער אגענטור איז א זעלבסטשטענדיגע אגענטור

אייער פארשטייער אין פארליאמענט, אייער מוניציפאליטי און קאונטי קאונסיל באשליסן די שטייער שטאפלען אין שוועדן. די שטייער אגענטור מאנט איין די שטייער. מיר זענען אונטער די רעגירונג, אבער זענען א זעלבסטשטענדיגער אגענטור, אזוי אז די רעגירונג קען נישט באאיינפלוסן די שטייער זאכן פון איינציגע אדער געשעפטן.

וואס די שטייער אגענטור טוט

מיר שטעלן צו פינאנסן פאר דעם פאבליק סעקטאר, און מיר טוען ביישטייערן צו א רעכט-פונקציאנערע געזעלשאפט מיטן באקעמפן פארברעכן.

די הויפט אויפגאבעס פון די שטייער אגענטור איז איינמאנען שטייער, נאציאנעלע איינשרייבונג, פארהייראט איינשרייבונג, ריל עסטייט שאצונג, איינשרייבונג פון ערפונדענעם באזיץ, און רעפרעזענטאציע פון דעם שטאט אלס א קרעדיטאר. מיר געבן ארויס ID קארטלעך פאר מענטשן וואס זענען איינגעשריבן אין שוועדן. מיר טוען אויך אויספארשטן שטייער פארברעכנס.
דא איז א קיצור פון די פאראנטווארטלעכקייטן פון דעם שטייער אויטאריטעט.

אינקאם שטייער

אין שוועדן, צאלן מיר אינקאם שטייער אויף געהאלטן, קראנקן בענעפיט צאלונגען, און פענסיאנען. אינטערעסט, דיווידענדס, געווינסן, שותפות אויספארקויפן, ריל-עסטייט און קא-אפ'ס ווערן אויך גערעכנט אלס אינקאם וואס ברויך צאלן שטייער. אינקאם שטייער גייט מערסטנס צו די מוניציפאליטיס און קאונטי קאונסילס, אזוי אויך ווי די שטאט.
איין מאל א יאר, גיבן מיר א באריכט פון אונזער אינקאם אויף א שטייער רעטארן. א דיגיטאלע באריכט איז דאס לייכטסטע.

moms און עקסייז שטייערן

די שטאט מאנט איין וואליו אדעד שטייערן (moms) אויף רוב זאכן און סערוויסעס, און דאס איז אריינגערעכנט אין די פרייז וואס יעדער צאלט. moms איז רוב מאל 25 פראצענט. אויף געוויסע פראדוקטן, ווי ברענשטאף, ענערגיע, אלקאהאל און טאבאק, די שטאט טוט אויך איינקאסירן עקסייז שטייערן.

ביזנעס שטייערן

 

דער אייגנטימער פון אן איינציג באזיץ אדער א שותף צאלט שטייערן אויף די פארדינסט פון די ביזנעס, און באריכט זיי אויף זיין פערזענלעכע שטייער רעטארן. א קארפאראציע, אבער, צאלט אלעמאל 22 פראצענט פון זיין פארדינסט אלס שטייער.

 

עמפלאיער שטייער

ארבעטגעבערס צאלן סאשעל אינשורענס פאר זייערע ארבעטער אויף אלע געהאלטן. געווענלעך ווערן צאלונגען געמאכט מאנאטלעך.

 

נאציאנאלע איינשרייבונג

די נאציאנאלע רעגיסטרי האט אינפארמאציע אויף יעדן שוועדישן בירגער, באזיצער פון א שטייענדע וואוין ערלויב, און EU בירגער וועלכע ניצן זייער רעכט צו וואוינען דא. דער אלגעמיינער געזעץ איז אז איר מוזט זיין איינגעשריבן וואו איר וואוינט. זיך איינשרייבן באשטימט וואו איר צאלט שטייער, אייער רעכט צו וואלן, און רעכטן צו פארשידענע צאלונגען. יעדער מענטש וועלכער איז איינגעשריבן האט א נאציאנאלע רעגיסטראציע נומער, וואס אנטהאלט אייער דאטום פון געבורט באגלייט ביי פיר ציפערן.

איר דארפט דעם נומער אין אייערע פארבינדונגען מיט שפיטעלער און רעגירונג אגענטורס, צום ביישפיל, און אין אריבערגענג, נאמען טוישונגען און פארהייראטס.

 

באזיץ ערפינדונגען

די שטייער אגענטורס שרייבט אריין באזיץ ערפינדונגען. די רעכנען אויס די באזיצונגען און דעבטס פון א געשטארבענעם מענטש.

 

פארהייראט איינשרייבונג

פארבינדט זיך מיט די שטייער אגענטור צו איינשרייבן פארהייראטס אפמאך, געשאנקען צווישן מאן און פרוי, און צוטיילונג פון פארהייראטע באזיץ און אנגעהערטע דאקומענטן.

 

ID קארטלעך

יעדער איינגעשריבענער אין שוועדן, פון 13 יאר און העכער, קען זיך אנשרייבן פאר א ID קארטל פון די שטייער אגענטור. דאס איז א באשטעטיגטע ID אין שוועדן, און א דיגיטאלע ID איר קענט נוצן אנ-ליין.

נאכפארשונג פון שטייער פארברעכנס

די שטייער אגענטור טוט נאכפארשן, באקעמפט און פארמיידט ווייס-קראגן פארברעכן אין דעם שטייער געביט.

רעפרעזענטירן די שטאט אלס א קרעדיטאר

די שטייער אויטאריטעט איז פאראנטווארטלעך צו פארזיכערן אז איינציגע און געשעפטן צאלן די שטייער אויף וועלכע די רעגירונג האט באשלאסן. מיר באוואכן די פאדערונגען פון די שטאט. ווען געברויכט, קענען מיר פאדערן, אין נאמען פון די שטאט, אז איינער זאל אויסגערופן ווערן אלס באנקראט.

 

פארבינדט זיך מיט אונז

ביטע קלינגט 0771-567567 מיט פראגעס און צו איבעררעדן אן אנגייענדע זאך.

Skatteverket

Till toppen